Charite_lanean jarraituz

Zirriborroak landuz eta zehaztuz.

Lortutako eskema garbiagoa eta ordenatuagoa dela iruditzen zait.

Hurrengo pausua aipatutako logeletako modulu horien zehaztapena izango litzateke. Beti ere orokortasuna landuz.

Charite_auto-balorazioa

Distribuzioaren lehenengo saiakera egin ondoren egindako auto-balorazioa:

• Eraikinaren formak inguruan sortzen duen efektua ona dela iruditzen zait. Chariteren inguruan espazio atsegin bat sortzen da, eta sukaldea da gune hau egituratzen duen elementua.
• Barne distribuzioari dagokionez, kaotiko xamarra iruditzen zait, eta ez da espazio pribatu, komun eta publikoen arteko erlazio erabat egokia lortzen.

Erlazio honi soluzioa eman nahirik, espazio hauen filtro moduan, komunikazio bertikala erabiltzea erabaki da. Banaketa honen zurruntasuna hausteko, patio bat integratu da komunikazio bertikalarekin batera. Hau eginez, eskema garbiago bat lortu da:

Espazio pribatuei dagokionez ere, birplanteamendu bat egin da. Argi dago, familia mota ezberdinentzako prestatuta egon behar duen eraikina dela, baina gune hauek erabat definituz, emaitza oso zurruna lortzen da, eta ezinda aurreikusi zehatz zein motatako familiak etorriko diren. Beraz, aukera ezberdinak eskaintzen dituzten moduluak planteatu dira. Modulu hauek panelez osatutako hormez oinarritzen dira, eta beharren arabera gelaren tamainak moldatu ahalko dira.

Aldaketa hauek eginez, hau da lortutako lehen zirriborroa:

0 solairua

1 solairua

2 solairua

3 solairua

Aipatutako logelen moduluak 1 eta 2 solairuetan aurkituko lirateke. Metroro dauden horma mugikorrak dira eta aukera ezberdinak osatu daitezke. Zerbitzuei dagokionez finkoak dira. Bi espazio hauen artean korridore zabal bat (bertan apalategiak jarri daitezke funtzionaltasuna bilatuz) eta armairuak aurkitzen dira. Logeletako sarrera irteerak ahalbideratzeko, armairu hauek ere mugitu egingo lirateke errail batzuen bidez.

ateen mugimendua

Aukera ezberdin batzuk:

Azpimarratu nahiko nuke, logelen tamaina aldaketa hauek oso puntualak izango liratekeela. Etxerik gabe gelditu diren familiak edota pertsonak, bertan hilabeteak igaroko dituztela aurreikusten baita.

Charite_lanean jarraituz

Programarekin jarraituz, gune ezberdinen zehaztapenean zentratu naiz. Espazio ezberdinen arteko harremana bilatu da eta bolumetriaren ideia garatu da.

Espazio nagusia La Charite-ren inguruan planteatu da, honi zabaldutako gune bat sortuz. Charite-ren garrantzia azpimarratu nahi izan da, bizkarra eman beharrean aurpegia emanez. Era berean hegoaldeko plazarekiko harremana mantendu da, jarraipen bat bilatuz.

Espazio nagusiena sukaldea izanik, gune honi trataera ezberdina ematea erabaki da. Erakusleiho moduan erabat gardena planteatu da. Behe oinean jantokia eta taberna egongo lirateke, eta lehen solairuan sukaldea. Espazio hauek altuera bikoitzekoak dira.

Eraikinean bizi direnak,  jantoki baten bidez daude harremanetan sukaldearekin. Honela, gune publiko-komunak eta pribatu-komunak erabat bereizita gelditzen dira. 

Espazio pribatuei dagokionez, jende eta familia mota ezberdinak etorriko direla aurreikusten denez, gune ezberdinak planteatu dira: familia oso batentzako logelak, logela konpartituak, logela pribatua baina komun konpartitua dutenak…. Era berean, espazio amankomun ezberdinak sortu dira. Gune hauek plazarekin harremana izango dute eta eraikina antolatzeko baliatu dira, ahal izan den neurrian korridoreak ekindin dira. Espazioen OREKA bilatzeko saiakera egin da.

Charite_bolumenekin jolastuz

Bolumenak antolatzeko orduan, La Charite-k inguruan duen presentzia mantentzeko helburuarekin egin da planteamendua. Charite ardatz baten amaieran aurkitzen denez, hau errespetatu da.

Era berean, bere garrantzia azpimarratu nahirik ate monumental batez enmarkatzeko aukera ikusi dut. Nolabait bigarren sarrera bat izango litzateke, eta bere aurreko gune irekia mantenduko litzateke.

Pribatu eta publiko harremanei dagokionez, aurreko astean egindako distribuzio ikerketak egin ondoren, sukaldea izatea erabaki da, publiko eta pribatuko trantsizio gunea (maketako elementu berdea litzateke).

Beraz, jantokia plazaren erdian egongo litzateke eta etxebizitzak aldiz ezkerraldean. Aurreko asteko ildotik, etxebizitzetan familia desberdinentzako gelak eta gune komun egokituak plantatuko lirateke. Gune komun hauek, kanpoarekin erlazio zuzena izateko aukera aurreikusten da. 

Charite_publiko eta pribatuaren arteko borroka

Inguruko bolumenen azterketa egin ondoren, eraikin bakoitza bere beharren arabera hazi dela ondorioztatu nuen, gehitzen joan diren espazioen emaitza direla.

Beraz planteatutako programa betetzeko, eraikinak behar zituen espazioak aztertu ditut. Espazio hauek zuzenki erlazionatuta daude pribatu-publiko erlazioarekin, espazio oso ezberdinak sortuko baitira erlazio honen arabera.

Hasiera batean nire ideia, erlazio hau muturrera eramatea izan zen, ahal zen guztia konpartitua izatea planteatu nuen. Eta 10 etxegabe jasotzeko beharrezko azalera minimoak kalkulatu nituen:

Baina zuzenketa ondoren, etxegabe hauek denboraldi bat igaroko dutenez, ideia hau extremoegia dela ondorioztatu genuen. Beraz, Kraftwerk-en proposamenetan oinarriturik tarteko zerbait proposatzeko erabakia hartu nuen.

Etxegabe gelditu direnak mota ezberdinetako pertsonak edota familiak izan daitezke, beraz nire proposamenak aniztasun hau jasotzeko helburua du:

Familientzat pentsatutako gelak dira, sukaldea, egongela, terraza eta baratza edukiko lukete konpartitua.

Bikoteentzat edota pertsona indibidualentzat planteatutako gelak dira, komuna, egongela, terraza eta baratza konpartituko lukete.

Planteamendu hauetan ez dira biltegi funtzioa duten guneak eta arropa garbiketarako guneak azaltzen, hauentzat behe oina (biltegia) edota azken solairua (arropa garbiketa) planteatu ahal dira.

Sukaldeak proiektu honetan garrantzi handia du, etxegabeen eta auzoko zahar eta langabetuen arteko lotunea baita. Bi sukalde proposatu dira: etxegabeek konpartitua eta publikoa. Bigarren honek harreman zuzena izango luke jantokiarekin.

Espazio hauek lekuan irudikatzeko maketa lantzea egokia iruditu zait, inguruko bolumenek duten eragina argiago ikusten da.

Oraindik azken emaitzatik urruti dagoen, baina nire burko ideia hauek maketaren gainean irudikatzeko helburuarekin egindako marrazki bat:

Txoritokia_gantxiloarekin amaitzen

Gure txoritokiko azala.

Charite_inguruko bolumenei begira

Auzo inguruko bolumenen azterketatxo bat egin nahi izan dut, nik sortuko ditudan bolumeak, auzoaren jarraipen bat izateko asmoarekin.

Goiko irudian  ikusten den moduan, etxe irlak zati ezberdinez osatutako bolumenak dira. Beharren bat sortu denean gehitzen joan diren espazioen emaitza dira. Beraz etxe irletan honako eskema errepikaturik ikus daiteke:

Proiektuan, auzoan eman den prozesu hau aplikatzea interesgarria iruditzen zaiz, eraikina auzoan ongi txertatzeko bidea izan liteke. Beraz, nik planteatutako programak behar duen espazioa zein den aztertzea izango litzateke hurrengo pausua. Espazio hauen uztarketaz lortuko nuke emaitza. Beti ere, ahaztu gabe, espazio hauek horma izango luketela euskarri.

Charite_Eskema definituz_3

Eraikina marseillatarrei zuzendua dago, baina era berean, bisitariei Marseilla ezagutzeko aukera eskainiko zaio.

Eraikinak etxerik gabe gelditu diren marsellatarrei aterpea eskainiko die. Hauek trukean, auzoko agureei eta langabezian daudenei otorduak eskainiko dizkiete.  Hauek trukean, Marseillari buruzko hitzaldiak, bitxikeriak, bisita gidatuak, erakusketak… antolatuko dituzte bisitarientzat.

Kate honen prozesuak, publiko pribatu espazioekin erlazio zuzena du.

Espazioei dagokionez, hiru gune nagusi bereiziko dira (goiko eskeman ikus daitezke). Gune hauek era desberdinetan antolatu daitezke. Hurrengoko eskeman gune pribatua antolatzeko bi aukera irudikatzen dira.

Nire iritziz, bigarren aukera egokiago da; bizikidetasuna bultzatzen du, eta era berean espazioaren aprobetxamendua hobea da.

Txoritokia_josi ta josi

Ideia orokorrak definitu ondoren, lekuko kota aldaketak aztertu eta ebaketa zehatzagoak egin genituen.

 Beraz, hurrengo urratsa maketa egitea dela erabaki genuen. Pixkanaka bagoaz patroi ezberdinak probatu eta zati desberdinak josten.

KAP

Oraindik gogoan dut lehenengo aldiz karrera amaierako proiektuak ikusi nituenean, txunditurik gelditu nintzen. Batxilerretik irten eta egunen batean horrelako zerbait egitera iritsi nintekeen ideiak beldurtu baina gehiago, erakarri egin ninduen.

Gaur egun gertuago dugu momentu hori, baina hala ere askotan txunditurik gelditzen naiz…

Panelei dagokionez, bertan azaltzen diren irudi eta plano ezberdinak ez ditut oso urruti ikusten nire mailatik, baina bai konposizioa. Hau normala dela iruditzen zait, orain arte ez baititugu panelak proiektatu, flotagarriarena izan zen lehena. Gure proiektua ondo azaltzeko, zer marraztu eta nola irudikatu dira panel bat ona izateko kontrolatu beharrekoak. Erabaki zailak.

Bestalde grafismoaren garrantzia azpimarratuko nuke, proiektuak begietatik sartu behar du. Gai honek horrenbesteko garrantzia izanik, akats bat iruditzen zait unibertsitateak  errepresentazio grafikoa nola egin erakusteko ikasgairik edota optatibarik ez eskaintzea. Planoak eskatzen dizkugute, baina inork ez digu AutoCad erabiltzen erakutsi; 3D-ko irudiak eskatzen dizkigute, baina inor ez digu honetarako programarik edota maketatzen erakutsi…. Bi aukera izan ditugu, akademi edo kurtso batean izena eman, edota esperientzia bidez ikasi, ikaskideen artean bakoitzak bere “jakinduria”  konpartituz.

Hala ere, atentzio gehien deitu didana, proiektu bateko eskuzko marrazkiak izan dira. Prozedura dena irudi ederrez beteriko liburuxka batean irudikatuz.

Charite_Eskema definitzen_2

Aurreko eskemarekin jarrituz:

Espazioen tamaina bere pribatusanarekin lotua egongo da.

Planteatzen den eraikina Marseillako jendeari eta era berean turistei zuzendua egon daiteke. Edadean aurrera joan biztanleria edota nora joan ez duen jendea bilduko luke. Hauek bisitariei Marseillako ohiturak, tradizioak eta giroa erakutsiko liekete. Hau gauzatzeko programa ezberdinak planteatu daitezke:

_ Hitzaldi desberdinak

_ Gastronomi dastaketak

_ Hiritik ibilaldi gidatuak

_ Ikastaro desberdinak

_ …

Bisitariek Marseilla marseillatarrekin ezagutzea da helburua.